نكت نكت نكت نكت هاهاهاهاهاهاها

[اشرف مناع المحامى]

مسئول كبير قوى جه يفتتح حمام سباحة قام المدير بيفرجه ويشرح له المكان فقاله يافندم ده المنط الصغير وطوله عشرين متر – أطلع ياعويس نط من عليه وفعلا عويس نط ، وقاله يافندم ده المنط الكبير طوله 40 متر ، أطلع يا محمدين نط من عليه وفعلا طلع محمدين ونط ، فأنبسط المسئول وقاله هايل هايل جدا ، رد المدير وقاله ده ولسه كمان مكملش تخيل يافندم لما نملا الحمام ده ميه 0

واحد عنده شوية أرانب مدوخينه وما بيشبعوش أكل جزر ، كل ما يجيب لهم شوال جزر يطلعوا بالليل وياكلوا الجزر كله مرة واحدة ، آخر ما زهق راح مخلع أسنانهم كلها ، تانى يوم جاب شوال جزر وصحى الصبح ملقاش ولا جزرة برضه ، قام قالهم أمال الجزر راح فين 00 قالو له 000 ( ثربناه عثير )

واحد مفلس قال 00 انا اشتريت النهاردة خزنة كبيرة رد عليه زميله الأصلع وقاله وانا اشتريت النهاردة مشط وسيشوار


واحد عمل 2 أيميل واحد دوت كوم للشات وواحد نصف كم للصيف 0

واحد مطهراتى عمل موقع على النت سماه ( حمامة دوت كوم )0

مدرسة رياضة اتجوزت واحد حرامى خلفوا عيل ( شبه منحرف )

واحد سباك ساب على التليفون بتاعه رسالة بتقول ( أترك اسمك وتليفونك بعد سماع صوت السيفون )

واحد ركب الأتوبيس قال للكمسارى اعطينى نصف تذكرة 00 قاله ليه انت شرطة ولا جيش 000 قاله لا أنا راكب برجل واحدة 0

واحد غبى دخل مطعم قاله هات لى سندوتشين جبنة رومى 00 رد العامل وقاله للأسف العيش خلص قاله ماشى أعملى سندوتشين لانشون

واحدة بتشتكى جوزها لأمها وبتقولها 000 تخيلى ياماما جوزى كل ما أعمله أكل ياخده ويرميه للكلب ردت عليها وقالتلها ( ياحرام والكلب ذنبه أيه ) 0
مع تحيات
الأستاذ ( نكتة )

[أحمد محمد موسى المحامي]

اشكرك يا استاذ اشرف على النكت الجميله دي
ورجاء من يضيف نكت جديده ان يضيفها داخل موضوع النكت السابق ولا يقوم بانشاء موضوع جديد للكنت لان المنتدى ليس للنكت فقط لكن من الممكن ان يكون فيه موضوع واحد به كل النكت مع امكانيه اضافه الجديد منها داخل نفس الموضوع
واشكرك مره ثانيه

[الأستاذة / سمية]

السادة القائمين على هذا الموقع الرائع جداجدا جدا
لقد أعجبنى نوع التخصص الذى يتميز به هذا الموقع القانونى المتميز والمتخصص فى التحكيم التجارى الدولى ، وحقيقة قد أفادنى بالكثير واشاد به العديد من الأصدقاء والرواد لمواقع الأنترنت ، إلا أن قد زاد أعجابى بهذا النوع الجديد من الترفيه القيم والجاد الذى تم أضافته لهذا الموقع الموقر من خلال ، فكاهة طريفة ظريفة لا يختلف عليها ويحتاجها أى أنسان فى أحلك ظروف العمل والجد ، والتى من شأنها أزالة بعض الهموم التى تنتابنا بين آن وآخر وترسم ابتسامة نحن فى أمس الحاجة إليها فى ظل الظروف الخارجية المحيطة بحياتنا اليومية
خالص الشكر والتقدير للسيد الأستاذ / أحمد محمد موسى المحامى على مشاركاته المتميزة والمتنوعة وإلى جميع السادة القائمين على العمل بهذا الموقع الموقر
سمية المحامية

[هنادى بنوته اسمعلاويه]

مشكوووووووووووووووور

[سمر]

مشكوووووووووووووووووووووووور